Nur-Sultan qalasy turǵynynyń ústine «Sergek» kamerasy ornatylǵan metall baǵan qulady. Oqıǵa boıynsha sotqa deıingi tergeý bastaldy, dep habarlaıdy Egemen.kz.
«23 qazan kúni saǵat 13:20-da Syǵanaq kóshesi, 11-de meniń ústime «Sergek» kamerasy ornatylǵan metall baǵany qulady. Der kezinde artqa qadam basýǵa úlgerip, baǵan basyma tımedi. Shaǵymmen kimge júginý kerek? Men ólimnen bir qadam boldym», dep jazdy ol Instagram jelisinde.
Aýrýhanaǵa júgingen áıelge gıps salyndy. Onyń aıtýynsha, ol jumyssyz qaldy.
«23 qazanda kólik júretin bólikti kesip ótý kezinde 45 jastaǵy áıel «Sergek» kamerasymen jabdyqtalǵan baǵannyń metall qurylymynyń qulaýy saldarynan aıaǵynan jaraqat aldy», dep habarlady Nur-Sultan PD baspasóz qyzmeti.
Atalǵan fakti boıynsha «Esil» aýdandyq polısııa basqarmasy QR QK 306-baby boıynsha sotqa deıingi tergeýdi bastady. Qazirgi ýaqytta tekserý júrgizilýde.