Reseıdiń Perm qalasynda jergilikti kolledj stýdenti dosymen hat jazysqany úshin ustaldy. Áleýmettik jelidegi jazbada ol oqytýshylardy atqysy keletini týraly aıtqan, dep habarlaıdy Egemen.kz.
Osy jyly ǵana birinshi kýrs stýdenti atanǵan jasóspirim oqytýshylarǵa ishteı narazy bolǵan. Ol dosyna seriktes bolýdy jáne oqý ornynda jappaı kisi óltirýdi usynǵan. Jas jigit qylmystyq áreketti óziniń kámelet jasyna tolǵan týǵan kúninde iske asyrǵysy kelgen.
Barlyq ustazdardy óltirýge bel býǵan stýdent tek kýratorynyń ǵana aman qalǵanyn qalaǵan. Muǵalimderdi óltirgen soń ol óz-ózine qol jumsaýdy josparlaǵan.
Alaıda onyń dosy mundaı jospardan qorqyp, ony qurbysyna aıtqan. Qurbysy polısııa qyzmetkerlerine habarlaǵan. Búginde tergeýshiler stýdentten telefonyn alyp, onyń jazbalaryn tolyq zertteýde.