QR Prezıdenti Qasym-Jomart Toqaev aýyldyq okrýg ákimderiniń saılaý naýqandaryn qarjylandyrý kezinde qoldanylatyn saralanǵan tásil ázirleýdi tapsyrdy, dep habarlaıdy Egemen.kz.
«Aýyl ákimderin tikeleı saılaý tetigin jetildirýge baǵyttalǵan naqty usynystary bar arnaıy baıandama usynyldy. Ulttyq keńestiń reformalardy usynyp qana qoımaı, olardy jan-jaqty taldap, qajetti túzetýler engizýi mańyzdy. Keıbir tolyqtyrýlarǵa bólek toqtalǵym keledi. Keńes músheleri Aleksandr Danılov, Gúlmıra Ilıeova, Marat Shıbutov arnaıy orta bilimi bar azamattarǵa aýyl ákimderi laýazymyna usynylýǵa múmkindik beretin normany bekitýdi usyndy», dedi Qasym-Jomart Toqaev Ulttyq qoǵamdyq senim keńestiń VI otyrysynda.
Prezıdenttiń pikirinshe, mundaı jańashyldyq jergilikti deńgeıde tańdaý básekelestigin kúsheıtedi.
«Tájirıbe kórsetip otyrǵandaı, ákimdikke úmitkerler úshin, ásirese ózin-ózi jyljytýshylar úshin úgit-nasıhat kompanııasynyń kezeńin ulǵaıtý ózekti bolyp tabylady. Osyǵan baılanysty onyń merzimderin túzetý múmkindigin qarastyrǵan jón. Sonymen qatar, saılaý naýqandaryn qarjylandyrý kezinde saralanǵan tásildi qoldaný usynylady», dedi Memleket basshysy.
«Atalǵan usynystar aýyl ákimderin saılaý tetikterin jaqsartýǵa baǵyttalǵan dep esepteımin. Sondyqtan olardy egjeı-tegjeıli zertteý kerek. Prezıdent ákimshiligine naqty usynystar ázirlep, engizýdi tapsyramyn», dep túıindedi Q.Toqaev.