Prezıdent Qasym-Jomart Toqaev «Samuryq-Qazyna» AQ basqarma tóraǵasy Almasadam Sátqalıevti qabyldady, dep habarlaıdy Egemen.kz Aqordaǵa silteme jasap.
Memleket basshysyna Qordyń jyl basynan beri atqarǵan qyzmetiniń negizgi óndiristik kórsetkishteri men qarjylyq nátıjeleri týraly baıandaldy.
Almasadam Sátqalıev bıylǵy 10 aıdyń qorytyndysy boıynsha «Samuryq-Qazyna» kompanııalar tobyna 8 981 mıllıard teńge kiris kirgenin jáne onyń josparlanǵan mólsherden 20 paıyzǵa artyq ekenin aıtty. Kompanııalar tobynyń operasııalyq tabysy – 1 256 mıllıard teńge. Bul – byltyrǵy kórsetkishterge qaraǵanda 2 eseden kóp. Oǵan munaı baǵasynyń qymbattaýy, júk tasymalynan túsetin kiristiń artýy, tranzıttiń ósýi jáne basqa da óndiristik kórsetkishter yqpal etken.
Qasym-Jomart Toqaev kezdesý sońynda «Samuryq-Qazyna» aksıonerlik qoǵamynyń jobalary boıynsha birqatar naqty tapsyrma berdi.