Kemerov oblysy «Lıstvıajnaıa» shahtasyndaǵy jarylys metannyń atylýy saldarynan bolýy múmkin. Bul týraly TASS quqyq qorǵaý organdaryndaǵy derekkózge silteme jasap jazdy, dep habarlaıdy Egemen.kz.
«Aldyn ala málimet boıynsha, kenetten metan atylyp, keıin jarylys bolǵan. Biraq, onyń nelikten atylǵany áli de belgisiz. Qazirgi ýaqytta tergeý organdary osyny anyqtap jatyr», dedi agenttik derekkózi.
Sondaı-aq, ol shahtadaǵy metanǵa jaýap beretin qurylǵynyń jumysy zerttelip jatqanyn aıtty.
«Qazir ony da anyqtap jatyr», dep qosty derekkóz.
Eske sala ketsek, Reseıdegi «Lıstvıajnaıa» shahtasyndaǵy óndiristik apat saldarynan qaza bolǵandardyń jalpy sany 6 taý-ken qutqarýshysyn qosa alǵanda, 52 adamdy qurady.