Atyraý oblysynyń aýdandarynyń birinde jel elektr stansııasy iske qosylady. Bul týraly Maqat aýdanynyń ákimi Shákir Keıkın onlaın-brıfıng barysynda málimdedi, dep habarlaıdy Egemen.kz óńirlik kommýnıkasııalar qyzmetine silteme jasap.
«Elektr stansııasy «Atyraý-Maqat» tas jolynyń oń jaǵynda ornalasqan. Qýaty - 48 megavatt. Qurylys barysynda 12 adam jumyspen qamtylǵan. Joba aıaqtalǵannan keıin jel elektr stansııasynda 50 adamdy jumyspen qamtý josparlanýda», dedi Shákir Keıkın.
Onyń aıtýynsha, Maqat aýdanynda gazdy keshendi daıyndaý qondyrǵysy salynýda. Joba Qashaǵan ken ornynda jylyna 1 mlrd tekshe metrge gaz óndirýge múmkindik beredi.
«Qazirgi ýaqytta qurylys jumystaryna 2500 adam jumyldyrylǵan. Joba iske qosylǵan kezde 450 adam jumyspen qamtylady. Qurylys jumystary 2023 jyly aıaqtalady dep kútilýde», dedi Shákir Keıkın.