«Samuryq-Energo» UÁQ» AQ Basqarma Tóraǵasy Almasadam Sátqalıev «Samuryq-Qazyna» qoryn reformalaý týraly sóz qozǵap, Qazaqstan azamattary qor aktıvterin ıelenýge tikeleı qatysa alatynyn habarlady. Bul týraly ol Facebook-te jazdy, dep habarlaıdy Egemen.kz.
«Bazalyq qaǵıdattar retinde ashyqtyq pen eseptilik, bıznes úshin kedergilerdi joıý, áleýmettik jaýapkershilik jáne sybaılas jemqorlyqqa qarsy kúres aıqyndalǵan. Meniń oıymsha, betburys kezeńi Qazaqstan Respýblıkasy azamattarynyń ulttyq baılyqty ádil bólýdiń elementi retinde qor aktıvterin ıelenýge tikeleı qatysý múmkindigi bolýy múmkin», dep qosty Sátqalıev.
«Bul máseleler 26 qańtar, sársenbi kúni áleýmettik jelilerde onlaın-translıasııamen bıznes-qoǵamdastyqpen ashyq dıalog formatynda talqylanatyn bolady. Bizdiń baǵdarlama bekitilgen jaǵdaıda, men onyń tabysty engizilýin jáne oryndalýyn qamtamasyz etýge daıynmyn», dep qorytyndylady qor basshysy.