Búgin bokstan áıelder arasyndaǵy álem chempıonatynda qazaqstandyq tórt sportshy sharshy alańǵa shyǵady, dep habarlaıdy Egemen.kz.
Túrkııanyń Ystanbul qalasynda ótip jatqan álem chempıonatynda kúndizgi sessııada Nazym Qyzaıbaı (50 keli) kolýmbııalyq Ingrıt Valensııamen, Dına Jolaman (54 keli) ıspanııalyq Marııa Madýeno Kondemen, Rımma Volosenko (60 keli) anglııalyq Shona Ýıtýellmen jekpe-jekke shyǵady.
Keshki sessııa Darıǵa Shákimova (66 keli) ózbekstandyq Navbahor Hamıdovamen kezdesedi. Jekpe-jekter «Qazsport» telearnasynan tikeleı efırde kórsetiledi. Álem chempıonatyna elimizdiń atynan 12 boksshy bardy. Olardyń qatarynan ázirge alty boksshy sharshy alańǵa shyǵyp, onyń tórteýi jarysty jalǵastyrýǵa múmkindik aldy.
Álem chempıonatynda el quramasynan Alýa Balqybekova (48 keli), Jaına Shekerbekova (52 keli), Karına Ibragımova (57 keli), Valentına Halzova (70 keli) jarystyń kelesi satysyna shyqty.
Al Aıda Ábikeeva (63 keli) men Nadejda Rıabes (75 keli) qarsylastaryna ese jiberip qoıdy.
Álem chempıonaty 20 mamyrda aıaqtalady.