Aqtóbeniń Temir aýdanynda sheneýnikter Keńkııaq pen Shubarqudyq aýyldaryndaǵy sý qubyryn jóndeýge bólingen qarajatty talan-tarajǵa salǵan. Bıýdjettiń 14 mıllıon teńgesin jep qoıdy dep aıyptalǵan aýdandyq turǵyn úı kommýnaldyq sharýashylyq bóliminiń basshysy bolǵan Jánibek Aıdashev pen onyń eki sybaılasy sottaldy, dep jazady Egemen.kz Astana tv arnasyna silteme jasap.
Sot materıaly boıynsha, atalǵan bólim basshysy kommýnaldyq mekemesiniń dırektorymen sóz baılasyp, óziniń dosyna tıesili merdiger mekememen qubyrdyń jóndelgeni týraly jalǵan qujattar jasaǵan.
Sóıtip, úsheýi bıýdjet qarajatyn ózara bólip alǵan. Sottalýshylar kináni tolyq moıyndap, urlanǵan qarajatty memleketke qaıtarǵan. Biraq jazadan qashyp qutyla almady.«Sot úkimimen Aıdashevqa 2 jyl 6 aı, Sovetovaǵa 2 jyl bas bostandyǵynan aıyrý jazasy taǵaıyndaldy. Sottalýshylardyń ekeýi de ómir boıyna memleketik qyzmette eńbek etý quqyǵynan aıyryldy. Tileýǵalıge 3 jyl merzimge probasııalyq baqylaý ornatyla otyryp, bas bostandyǵyn shekteý jazasy taǵaıyndaldy», deıdi Aqtóbe oblystyq sotynyń baspasóz hatshysy Gúljanar Otarbaeva.