Úndistannyń soltústigindegi Djammý men Kashmır aýmaǵyndaǵy Amarnath úńgir hramy aımaǵynan 15 myńǵa jýyq adam qaýipsiz jerge kóshirildi, dep habarlaıdy Egemen.kz TASS-qa silteme jasap.
NDTV telearnasynyń habarlaýynsha, evakýasııalaý operasııasyna jergilikti garnızon men shekara bólimderiniń áskerı qyzmetshileri jumyldyrylǵan.
Juma kúni kúshti mýsson nóserinen týyndaǵan sý tasqyny saldarynan kem degende 15 adam mert boldy. El bıliginiń málimetinshe, taǵy 40-tan astam adam iz-túzsiz joǵaldy. Juma kúni aǵyn sý men kóshkin shatyrlar men qoǵamdyq ashanalardy basyp, din ustanýshylar jatqan lagerler balshyq pen tasqa toldy. Qazirgi ýaqytta adamdar ýaqytsha ornalastyrý oryndaryna jetkizilýde. Qutqarý toptary iz-túzsiz joǵalǵandardy izdep jatyr.