Almatyda Dostyq dańǵyly men Bógenbaı batyr kósheleri jóndeý jumystaryna baılanysty bir kúnge jabylady, dep habarlaıdy Egemen.kz.
«15 shilde keshki saǵat 22:00-den 16 shilde tańǵy saǵat 06: 00-ge deıin Dostyq dańǵyly men Tóle bı kósheleriniń qıylysynda kólik qozǵalysy shekteledi. Sonymen qatar 16 shilde saǵat 22: 00-den 17 shilde tańǵy saǵat 06:00-ge deıin Bógenbaı batyr jáne Pýshkın kósheleriniń qıylysy jabylady», delingen «Almaty jylý jelileri» JShS habarlamasynda.
Aıta keteıik, ýaqytsha shekteýler mundaǵy kólik júretin joldyń astyndaǵy magıstraldyq jylý júıelerin josparly jóndeýge baılanysty engizilip jatyr. Kompanııa keltirilgen qolaısyzdyq úshin almatylyqtardan keshirim suraıdy.
Sonymen qatar júrgizýshilerge jol júrý baǵytyn aldyn ala josparlaýǵa keńes beredi.