Almatyda 19 jastaǵy stýdent eki jasar balany 8-qabattan qulap ketýden aman alyp qaldy, dep habarlaıdy Egemen.kz.
Kýágerler «Altynbulaq» turǵyn úı keshenindegi baspaldaq alańynda balanyń basy tordyń arasyna qysylyp, denesi jerge qaraı salbyrap turǵanyn kórgen. Kómekke shaqyrǵan kórshilerdiń daýysyn jas jigit estip, birden járdemdesýge umtylǵan. Abyroı bolǵanda, ol búldirshindi der kezinde qutqaryp úlgerdi.
Batyl jigit Abaı atyndaǵy pedagogıkalyq ýnıversıtettiń dene shynyqtyrý fakýltetiniń stýdenti Erasyl Mahmut ekeni belgili boldy.
«Búgin Brýsılovskaıa 167 úıiniń aldynan ótip bara jatqan kezde 6-qabatta bir bala qulaıyn dep turdy. Esh oılanbastan 6-qabatqa kóterilip, balany qutqaryp aldym», dedi Erasyl Mahmut.