Almatyda dızeldik otynǵa suranys artyp keledi. Qala ákimdigi Almatynyń janar-jaǵarmaı quıý beketterinde ózge óńirlerden kelgen aýyr júk kólikteri jıi janarmaı quıa bastaǵanyn atap ótti, dep habarlaıdy Egemen.kz «Habar 24» arnasyna silteme jasap.
Qazir jergilikti bılik kóterme jetkizýshilermen birlesip, turǵyndardy qajetti kólemde dızel otynymen qamtamasyz etý máselesin pysyqtaýda. Sondaı-aq olar dúrlikpeý úshin munaı bazalary men janarmaı quıý beketterindegi qorlarǵa turaqty monıtorıng júrgizedi.
«Jetkizýdiń úzilýin boldyrmaý úshin QTJ-men úılestirý jumystary jolǵa qoıylǵan. Megapolısti dızeldik otynmen qamtamasyz etý máselesi erekshe baqylaýda», dep sendirdi qala ákimdigi.
Aıta keteıik, búginde Almatyda 220 janarmaı quıý beketi jumys isteıdi.