Nur-Sultan qalasynyń Kólik jáne jol-kólik ınfraqurylymyn damytý basqarmasy qalalyq PD ákimshilik polısııa basqarmasynyń kelisimimen Muhtar Áýezov kóshesindegi jol tósemin jóndeýdi bastady, dep habarlaıdy Egemen.kz elorda ákimdiginiń resmı saıtyna silteme jasap.
Bıyl 19-21 tamyz aralyǵynda jóndeý jumystarynyń júrgizilýine baılanysty Sáken Seıfýllın kóshesinen Álibı Jangeldın kóshesine deıingi ýchaskede kólik qozǵalysy tolyǵymen jabylady.
«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet. Keltirilgen qolaısyzdyqtar úshin keshirim ótinemiz jáne jóndeý jumystarynyń júrgizilýine túsinistikpen qaraýdy suraımyz», delingen habarlamada.