Bul týraly Ázerbaıjan Prezıdenti Ilham Álıev Ázerbaıjan men Qazaqstan arasyndaǵy qujattarǵa qol qoıý rásiminen keıin baspasóz ókilderine bergen suhbatynda málimdedi.
Sapar aıasynda qol qoıylǵan qujattar eki el qarym-qatynasy úshin budan da keńirek quqyqtyq negiz bolmaq. «Árıne, bul qujattardyń ishinde Qazaqstan men Ázerbaıjan arasyndaǵy strategııalyq qatynastardy nyǵaıtý jáne odaqtastyq yntymaqtastyqty tereńdetý týraly qol qoıylǵan Deklarasııany erekshe atap ótkim keledi. Biz tek strategııalyq áriptester emes, sonymen qatar odaqtastarmyz. Bul, árıne, bizge erekshe jaýapkershilik júkteıdi jáne biz bul jaýapkershilikke daıynbyz», dedi Ázerbaıjan Prezıdenti.