Almaty polıseıleri jańa týǵan nárestelerdiń saýdasymen aınalysqan kúdiktilerdi ustady, dep habarlaıdy Egemen.kz «Astana» telearnasyna silteme jasap.
Polısııanyń málimetinshe, kúdiktiler balany zańsyz asyrap alýmen aınalysqan. Olar balasynan bas tartqysy keletin júkti áıelderdi taýyp, olardy balasyz juptarmen tanystyrǵan. Al balaǵa qatysty barlyq qujattar qoldan rásimdelgen.
Qazirgi ýaqytta qylmyskerler ustalyp, qamaýǵa alyndy. Kámeletke tolmaǵandardy satqany úshin olar 12 jylǵa deıin bas bostandyǵynan aıyrylýy múmkin.
Ishki ister mınıstrliginiń málimetinshe, tek qyrkúıek aıynda osyǵan uqsas jıyrmadan astam qylmys jasalǵan.