Oblystyq aýyl sharýashylyǵy basqarmasynyń laýazymdy tulǵalaryna qatysty ınvestısııalyq sýbsıdııalar qarajatyn asa iri mólsherde jymqyrý faktisi boıynsha is tergeldi, dep habarlaıdy Egemen.kz.
Qarjylyq monıtorıng agenttiginiń málimetinshe, olar jumys júrgizilmegen jáne jabdyq ornatylmaǵan birqatar sharýa qojalyǵy boıynsha atqarylǵan jumystar týraly qujattardy toltyrǵan.
Sodan keıin ESQ aktilerin kýálandyryp, olardy Qoldau.kz aqparattyq baǵdarlamaǵa engizgen. Zańsyz áreketterdiń nátıjesinde 25 mln teńge kóleminde memlekettik qarajat urlanǵan. Qylmystyq iske qatysýshylar keltirilgen zalaldy tolyǵymen óteıdi.
Sot oblystyq aýyl sharýashylyǵy basqarmasynyń bólim basshysy men bas mamanyn kináli dep taýyp, 2 jyl merzimge bas bostandyǵynan aıyrdy.
Ekeýi de memlekettik uıymdarda qyzmet atqarý jáne 3 jylǵa materıaldyq-qarjylyq qujattarǵa qol qoıý quqyǵymen baılanysty qyzmetpen aınalysý quqyǵynan aıyryldy.