Ýkraına prezıdenti Vladımır Zelenskıı Petr Vrýblevskııdi Reseı azamattaryna qatysty aıtqan sózderden keıin Ýkraınanyń Qazaqstandaǵy elshisi qyzmetinen bosatty, dep habarlaıdy Egemen.kz
Tıisti Jarlyq Ýkraına prezıdentiniń saıtynda jarııalanǵan.
«Petr Iýrevıch Vrýblevskıı Ýkraınanyń Qazaqstan Respýblıkasyndaǵy Tótenshe jáne О́kiletti Elshisi qyzmetinen bosatylsyn», delingen Jarlyqta.
Eske sala ketsek, áleýmettik jelide Vrýblevskııdiń suhbatynan úzindi tarap, qoǵamdyq rezonans týdyrǵan edi. Vıdeoda Vrýblevskııge «Ýkraınadaǵy jaǵdaı týraly ne aıta alasyz?» degen suraq qoıyldy. Bul suraqqa elshi «Biz olardy múmkindiginshe kóp óltirýge tyrysamyz» dep jaýap berdi.