Saıram aýdanynda elektrondy temeki urlaǵan 2 kúdikti anyqtaldy, dep habarlaıdy Egemen.kz QR IIM resmı ınternet-resýrsyna silteme jasap.
Saıram APB-ǵa jergilikti turǵyn habarlasyp, belgisiz bireýlerdiń dúkenine urlyqqa túskenin aıtqan. Aqparat alysymen polıseıler shuǵyl túrde urlyq bolǵan jerge barǵan. Anyqtalǵandaı urylar dúkenge kirip, 350 elektrondy temeki qurylǵysyn jymqyrǵan. Polısııa qyzmetkerleri atalǵan jaıtty QR QK-niń 188-baby (Urlyq) boıynsha tirkedi.
Jábirlenýshige keltirilgen shyǵyn kólemi 1,5 mıllıon teńgeni qurady. Bul urlyq qylmysy boıynsha tártip saqshylar jan-jaqty tekserý jumystaryn júrgizip, beınebaqylaý kameralaryndaǵy jazbaǵa qarap, kúdikti retinde eki jergilikti turǵyn ustaldy.
Qazirgi tańda sotqa deıingi tergeý amaldary júrgizilýde.