О́ńirdegi aýyl sharýashylyǵy salasynyń damý qarqynyn jedeldetý úshin iri ınvestorlardy tartý jumystaryn jandandyrý qajet. Bul týraly Memleket basshysy Jetisý oblysynyń jurtshylyǵymen kezdesý barysynda aıtty, dep habarlaıdy Egemen.kz.
«Jalpy, bizdiń elimiz úshin qaıta óńdeýdi dáıekti damyta otyryp, aýyl sharýashylyǵy eksportynyń shıkizattyq baǵdarynan bas tartý óte mańyzdy. Álemdegi sanksııalyq teketires osyǵan baılanysty jańa biregeı múmkindikter ashady.
О́ńirdegi aýyl sharýashylyǵy salasynyń damý qarqynyn jedeldetý úshin iri ınvestorlardy tartý jumystaryn jandandyrý qajet. Taldyqorǵan qalasynda ornalasqan, barlyq qajetti ınfraqurylymy bar ındýstrııalyq aımaq sheteldik kompanııalardyń qonys aýdarý alańyna aınalýy múmkin», dedi Qasym-Jomart Toqaev.
Memleket basshysynyń aıtýy boıynsha, daıyn azyq-túlik ónimderin óndirý men nasıhattaýǵa basa nazar aýdarý kerek.
«О́ńirdiń tranzıttik múmkindikterin keıinnen olardy keri eksporttaý úshin kórshiles elderdiń aýyl sharýashylyǵy shıkizatyn qaıta óńdeıtin birlesken kásiporyndar qurý úshin paıdalanǵan jón», dep atap ótti Prezıdent.