Eńbek jáne halyqty áleýmettik qorǵaý mınıstrligine qarasty Eńbek jáne áleýmettik qorǵaý komıtetiniń tóraǵasy Tólegen Ospanqulov tórt kúndik jumys aptasyna kóshý máselesi qarastyrylyp jatqanyn aıtty, dep habarlaıdy Egemen.kz.
Onyń aıtýynsha, búgingi tańda Qazaqstanda aǵymdaǵy norma qoldanylady, oǵan sáıkes elde 40 saǵattyq bes kúndik nemese alty kúndik jumys aptasy mindetti bolyp tabylady. Biraq jumys berýshi óz qyzmetkerlerimen kelisip, bul normany ózara ózgerte alady.
«4 kúndik jumys aptasyna keletin bolsaq, másele qarastyrylýda. Bir aıda tórt apta, birinshi aptada tórt kún, ekinshi aptada bes, úshinshi aptada alty jáne tórtinshi aptada taǵy tórt kún bolýy múmkin delik. «Esep kezeńi» degen uǵym bar, saǵattardyń jalpy sany osy kezeńnen joǵary bolmaýy kerek. Al qalǵan sátterdi jumys berýshi qyzmetkermen sheshe alady», dedi Tólegen Ospanqulov.
Buǵan deıin vedomstvo áleýmettik qorǵaý máseleleri boıynsha túzetýler daıyndaǵan bolatyn, onyń sheńberinde 2023 jyldan bastap Qazaqstanda 4 kúndik jumys aptasyn belgileýge bolady.
Zań jobasy Qazaqstannyń Áleýmettik kodeksi qabyldanǵan jaǵdaıda normatıvtik quqyqtyq aktilerdi sáıkestendirýge baǵyttalǵan. Atap aıtqanda, Eńbek kodeksine «birlesken jumysqa ornalastyrý» uǵymdyq termıni engiziledi.