Aqmola oblysynda kólik tasymaldaıtyn Kamaz aýdaryldy, dep habarlaıdy Egemen.kz IIM telegram arnasyna silteme jasap.
Jol apaty 21 qazan kúni «Ekaterınbýrg – Almaty» avtojolynda bolǵan. 6 avtokólikti tasymaldaǵan Mercedes Actros júrgizýshisi rýldi basqara almaı, kóliktiń aýdarylýyna jol bergen. Sondaı-aq jol-kólik oqıǵasy kezinde júrgizýshi jeńil dárejede mas kúıde bolǵan. Ol apat jasaǵannan keıin oqıǵa ornynan jasyrynýǵa tyrysqan.
Apat saldarynan eshkim zardap shekken joq, tek mashınalar zaqymdanǵan. Materıaldyq zalaldar naqtylanatyn bolady.
33 jastaǵy júrgizýshige qatysty kólik quralyn mas kúıinde basqarǵany úshin QR ÁQBtK-niń 608-baby boıynsha ákimshilik hattama toltyryldy. Sondaı-aq ol apat ornyn qaldyrǵany úshin QR ÁQBtK-niń 611-baby boıynsha jaýapkershilikke tartylady.