TMD Úkimet basshylary keńesiniń Astanadaǵy kezekti otyrysy qarsańynda Premer-Mınıstr Álıhan Smaıylov Belarýs Premer-Mınıstri Roman Golovchenkomen kezdesti, dep habarlaıdy Egemen.kz Úkimettiń resmı paraqshasyna silteme jasap.
О́zara saýdany ulǵaıtý jónindegi jumys sheńberinde Qazaqstan Belarýs naryǵyna shyǵarylatyn eksportty keńeıtýdi josparlap otyr. Osyǵan baılanysty Úkimet jaqyn arada Belarýs basshylyǵynyń qaraýyna jiberiletin áleýetti eksporttyq taýarlar tizbesin jańartqan.
Jalpy ótken jyldyń qorytyndysy boıynsha elder arasyndaǵy taýar aınalymy 20%-ǵa ósken.
«Qazirgi tańda biz ártúrli salalarda shıkizattyq emes taýarlardyń 105 túrin jetkizý máselesin birlesip pysyqtaýǵa daıynbyz», dedi Álıhan Smaıylov.
Ekijaqty yntymaqtastyqtyń basym baǵyttarynyń biri – ónerkásip kooperasııasy. Búgingi tańda 1,5 myń jumys ornyn qura otyryp, birlesken 7 joba iske qosyldy, taǵy 2 joba iske asyrý satysynda.
О́z kezeginde Roman Golovchenko aýyl sharýashylyǵynda, atap aıtqanda, Qazaqstanda Belarýs tehnologııalary boıynsha taýarly sút keshenderinde birlesken jobalardy iske qosýdyń perspektıvalaryn aıtyp, ekijaqty qatynastardyń barlyq spektri boıynsha ózara is-qımyldy maqsatty túrde nyǵaıtýǵa daıyn ekenin aıtqan.