Almaty oblysynda kúdikti dep tanylǵan brakonerlerden qarý-jaraq pen janýarlardyń denesi tabyldy, dep habarlaıdy Egemen.kz Ishki ister mınıstrliginiń resmı ınternet-resýrsyna silteme jasap.
«Balqash aýdany aýmaǵynda tártip saqshylary zańsyz aýlanǵan balyq, jabaıy úırektiń, qoıan men taı aýlanǵan úsh avtokólikti ustady. Toqtatylǵan «Mersedes», «Nıssan» jáne «Mazda» kólikteriniń salonynan túrli balyq túrleri salynǵan qap, jabaıy úırektiń, qoıannyń jáne taıdyń denesi tabyldy. Ustalǵandar ań aýlaýǵa ruqsat bere alatyn qujatnamasyn kórsete almaǵan. Sondaı-aq patrondary bar úsh ańshy myltyǵy tárkilendi», delingen habarlamada.
Oqıǵa Baqanas-Qaroı tas jolynda bolǵan. Atalǵan fakti boıynsha Balqash aýdandyq Polısııa Basqarmasyna tirkelip, Qazaqstan Respýblıkasy Qylmystyq kodeksiniń 337-baby 1-bóligimen sotqa deıingi tergeý amaldary bastaldy. Bul rette memleketke keltirilgen shyǵyn úshin aıyppuldar salynady.