Astanada polıseıler aqsha urlady degen kúdikpen 36 jastaǵy áıeldi ustady, dep habarlaıdy Egemen.kz IIM resmı paraqshasyna silteme jasap.
Mundaı qylmysqa qaryzynyń kesirinen barǵany anyqtalǵan.
«Tergeý barysynda áıeldiń qaladaǵy bankomattardyń birine kelgeni anyqtaldy. Onyń aldynda termınalǵa qomaqty aqsha salǵan er adam turǵan. Alaıda operasııany oryndaý kezinde aqsha esepke alynbaı, termınal uıashyǵynda qalyp qoıǵan. Basqa qolma-qol aqshany alýǵa asyqqan er adam kóligine ketkende kúdikti áıel qabyldanbaǵan 940 myń teńgeni ózimen alyp ketken», dep habarlady IIM resmı saıty.
Qylmystyq fakti boıynsha sotqa deıingi tergeý júrgizilýde. Ustalǵan áıel óz kinásin moıyndaǵan. Aqshanyń bir bóligin paıdalanyp, nesıesin japqan.