Memleket basshysy Almaty jurtshylyǵymen kezdesýde qalada marshrýttyq jeli tıimdi uıymdastyrylmaǵanyn aıtty, dep habarlaıdy Egemen.kz.
«Jol-kólik salasyndaǵy problemalardy anyqtaý jáne pármendi sheshimderdi ázirleý úshin qala turǵyndary men táýelsiz sarapshylardy belsendi tartý qajet. Qaladaǵy ómir sapasynyń mańyzdy quramdas bóligi - jol qozǵalysynyń qaýipsizdigi. Oń tendensııalarǵa qaramastan, jol-kólik oqıǵalary áli de jıi kezdesedi. Bul asa mańyzdy máseleni sheshý úshin keshendi sharalar qabyldaý qajet. Adamdar - bizdiń basty baılyǵymyz», dedi Prezıdent.
Osy rette ol polısııaǵa júrgizýshi men jaıaý júrginshilerdiń mádenıetin arttyrý jóninde tapsyrma berdi.
«Biz kóshelerimiz ben trotýarlarymyzdaǵy qaıǵyly oqıǵalardyń sanyn túbegeıli azaıtý úshin qoldan kelgenniń bárin jasaýymyz kerek. Búginde Almatyda jolaýshylar aǵynynyń negizgi úlesi avtobýstar men trolleıbýstarǵa tıesili. Bul rette marshrýttyq jeli tıimdi uıymdastyrylmaǵan. Qalalyq marshrýttardyń kópshiligi óte uzyn. Qalalyq jáne qala mańyndaǵy qoǵamdyq kólikter bir-birimen tyǵyz baılanysty, tasymaldaýǵa yńǵaıly kólik toraptary joq. Bul jaǵdaıdy shuǵyl túrde ózgertý kerek. Jeke kólikterdi paıdalanýdy azaıtýdy yntalandyra otyryp, qoǵamdyq kóliktiń tartymdylyǵyn dáıekti túrde arttyrý qajet. Ol úshin metropolıten jelisin keńeıtýdi jalǵastyrý qajet», dedi Memleket basshysy.