Jyl volonterleri anyqtaldy

Saltanatty jıynda eli­mizdiń áleýmettik, qoǵam­dyq ómirine belsene aralasyp, muqtaj jandarǵa qol ushyn sozyp júrgen 42 volonter men volonterlik uıymdar marapatqa ıe boldy.

– Búginde volonterlikti damytýdyń 2021-2023 jyl­dar­ǵa arnalǵan Jol kartasy júzege asyp jatyr. Onda Memleket bas­shy­sy­nyń Volonter jyly aıasyn­daǵy tapsyrmala­ryn­ iske asyrýdaǵy sharalar ke­sheni qarastyrylǵan. Volon­ter­lerdi daıarlaýdyń biryńǵaı baǵ­darlamasy da daıyndaldy. Qazir volonterlik qyz­metke atsalysyp júrgen azamattar men uıymdar sa­nynyń turaqty ósýi qalypty jaǵdaıǵa aınaldy. Osydan 2 jyl buryn volonterlik uıymdardyń sany 224 bolsa, búgingi tańda ol 700-ge jýyqtady. Belsendi volonter­ler sany 50 myńnan 200 myńǵa, ıaǵnı 4 ese ósti. Onyń 65 paıyzy – 29-dan 54 jasqa deıingi azamattar, – dedi Aqpa­rat jáne qoǵamdyq damý mınıstri Darh­an Qydyráli.

Jıynda aıtylǵandaı, qoǵamnyń áleý­mettik sura­nystaryn es­kere otyryp, janýarlardy qorǵaý, ekologııa, azamattardyń uzaq ómir súrýin qamtamasyz etý sııaqty úzdik jobalar jal­ǵasyn tapty. Jobalar aıasyndaǵy túrli áleýmettik is-sharaǵa 20 myńnan as­tam volonter qatysty. J­anýarlardy qorǵaý baǵyty bo­ıyn­sha 100-den astam ıesiz janýar arna­ıy mekemelerge ornalastyryldy. «Kúmis volonterlikke» myńǵa jýyq zeınet ja­syndaǵy azamattar qosyldy.

Sonymen qatar jıynda Qazaqstandaǵy BUU-nyń at­qa­rýshy úılestirýshisi Artýr Van Dızen uıymnyń atynan úsh eriktini marapattap, jyl boıy 70 ótinish kelip túskenin, olardyń barlyǵynyń ózindik mańyzy baryn aıtty.

Eriktiler osydan birneshe jyl burynǵy Arystaǵy ja­rylys pen Mańǵystaý­da­ǵy qýańshylyq kezinde jáne keshegi Qosta­naıdaǵy alapat órt tusynda erekshe belsendilik tanytqanyn bi­lemiz. Sonymen qatar olar Ekibastuzdaǵy keleńsiz jaǵ­daıda da qol ushyn sozyp, kómek kórsetip keledi. Osyǵan oraı «Tótenshe jaǵ­daılardy joıýǵa belsendi qatysqany úshin» nomına­sııasy taǵaıyndalyp, atal­ǵan oblystardyń úzdik erik­tileri erekshe nazarda boldy. Al «Úzdik áleý­mettik kó­mekshi» nomınasııasynyń jeńim­pazdary jyl boıy múmkindigi shek­teýli jan­darǵa, qarııalarǵa, áleýmettiń osal top­tarynyń janynan tabylǵan. Osy oraıda Astana qalasynyń bes otbasyna azyq-túlik jetkizip turǵan Maral Eseke­sheva men Jetisý óńirinen kelgen, oqýshy­larǵa áleýmettik, psıhologııalyq kómek kórset­ken Janserik Baıdenovtiń eńbegi zor. Olar «Eńbektiń elengeni jaqsy, biraq bul bizdiń adamı paryzymyz» dep sanaıdy.