Astanada birinshi Ortalyq Azııa medıa forýmy ótýde. Biregeı yntymaqtastyq alańyna aınalǵan forým Ortalyq Azııa elderi úshin biryńǵaı medıa keńistigin qurýdy kózdeıdi, dep habarlaıdy Egemen.kz.
Medıa forýmǵa 100-den asa spıker qatysady. Bul álemge áıgili Pýlıtser syılyǵynyń ıegerleri, álemdik saıasatkerler, halyqaralyq jáne jergilikti jýrnalıster, yqpal etýshiler, halyqaralyq uıymdardyń jetekshileri jáne bedeldi medıa sarapshylar.
Eki kúnge sozylǵan Birinshi Ortalyq Azııa medıa forýmynyń qatysýshylary óńirlik biregeılik, jańa medıany damytý, jasandy ıntellekt tehnologııalaryn medıada qoldaný, Ortalyq Azııadaǵy kreatıvti ındýstrııanyń damýy, post-shyndyq kezeńindegi aqparattyq qaýipsizdik, medıa salasyndaǵy bilim berý tranformasııasy, ózara yntymaqtastyqtaǵy halyqaralyq uıymdardyń orny, azamattyq qoǵamdy damytýdaǵy genderlik teńdiktiń róli, óńirlik jáne jahandyq kooperasııa múmkindikteri sııaqty kókeıkesti máselelerdi sóz etpek.
Forýmnyń paneldik sessııasynda Túrkııa men Mońǵolııanyń burynǵy Prezıdentteri Abdolla Gúl, Nambaryn Enhbaıar oılaryn ortaǵa salady.
Tanymal ánshi Dımash Qudaıbergen BUU rezolıýsııasy bekitken 21 qyrkúıektegi «Halyqaralyq beıbitshilik kúniniń» jáne álemdik «Peace one day» jobasynyń avtory Djeremı Gıllımen birge beıbitshilik ıdeıasy boıynsha arnaıy sessııa ótkizedi.
Forýmnyń baslaınerleri - Gollıvýd akteri jáne aty ańyzǵa aınalǵan boksshy Roı Djons, New York Times gazetiniń tórt dúrkin bestseller avtory Lız Ýelsh.