Elordada ótip jatqan birinshi Ortalyq Azııa medıa forýmynda Memlekettik keńesshi Erlan Qarın Ortalyq Azııa elderi arasynda túrli salada baılanystardy nyǵaıtý kerek ekenin aıtty, dep habarlaıdy Egemen.kz.
Erlan Qarın Ortalyq Azııa memleketteri arasyndaǵy yntymaqtastyq qarqyndy damyp kele jatqanyn aıtty. Qazir Ortalyq Azııa ózindik mańyzy bar aımaqqa aınaldy. Osy rette ol medıa salasynda, mádenı-rýhanı baǵytta, qoǵamdyq-saıası ómirde baılanystardy nyǵaıtý qajet ekenin aıtty.
«Búgin tuńǵysh ret ótip jatqan Ortalyq Azııa medıa forýmy aıryqsha ról atqarady dep oılaımyn. Mundaı alqaly jıyndar arqyly aımaqtyq biregeıligimiz damıdy, tutastyǵymyz bekı túsedi. Qazaqstan bul baǵyttaǵy jumystardy qoldaýǵa, bastamalardy júzege asyrýǵa árqashan daıyn. Búgingi medıa forýmnyń elordamyzda ótýi sonyń aıqyn dáleli. Sondyqtan forýmda Ortalyq Azııa elderiniń ortaq múddesine saı keletin keleli oı-pikirler aıtylady dep senemin», dedi Erlan Qarın.