Tórtinshi óńiraralyq Qazaqstan-О́zbekstan bıznes-forýmy aıasynda ekijaqty ınvestısııalyq jáne saýda-ekonomıkalyq baılanysty nyǵaıtýǵa arnalǵan jalpy quny shamamen 2,5 mlrd dollarǵa jetetin 40 qujatqa qol qoıyldy, dep habarlaıdy Egemen.kz.
Eki eldiń kompanııalary Chevrolet markaly avtokólikterdiń jınaqtary jáne bólshekterimen qamtamasyz etý, keramıkalyq plıtkalar men ınfýzııalyq eritindilerdi óndirý boıynsha birlesken jobalardy iske asyryp, sondaı-aq jumsaq ıirimjip, gıps, polıpropılen qaptary jáne taǵy da basqa óndiristik jobalardy júzege asyrmaq nıette.
Atalǵan bıznes forým QR Premer-Mınıstriniń orynbasary – Saýda jáne ıntegrasııa mınıstri Serik Jumanǵarın men О́zbekstan Premer-Mınıstriniń orynbasary – Investısııalar jáne syrtqy saýda mınıstri Jámshıd Hodjaevtyń, sondaı-aq eki eldiń salalyq mınıstrlikteri jáne jergilikti atqarýshy organdarynyń qatysýymen uıymdastyrylǵan plenarlyq otyrystan bastaldy.
Onyń barysynda QR Indýstrııa jáne ınfraqurylymdyq damý vıse-mınıstri Marat Qarabaev Qazaqstandaǵy bıznesti damytýdyń múmkindikteri jaıly baıandap berdi.
«Keıingi jyldary metaldardyń álemdik naryqtaǵy baǵasy aıtarlyqtaı ósti. Bul rette metallýrgııa ónerkásibiniń qazirgi ahýalyna taldaý jasaı kele salany damytýdyń sheshimderin anyqtadyq. Júrgizilgen taldaýdyń qorytyndysyna sáıkes qazaqstandyq óńdeý ónerkásip oryndaryn London metaldar bırjasyndaǵy baǵadan tómen, biraq básekege qabiletti shamadaǵy shıkizatpen qamtamasyz etý máselesin qarastyrdyq», dedi M.Qarabaev.
Sondaı-aq vıse-mınıstr Qazaqstandaǵy qurylys ındýstrııasynda, jeńil ónerkásip pen munaı-gaz mashına jasaý salalarynda atqarylyp jatqan jumystar týraly aıta kele forým qatysýshylaryn 2023 jyldyń mamyrynda elimizde ótkiziletin Kazakhstan Industry Week óńdeý ónerkásibiniń halyqaralyq kórmesine shaqyrdy. Is-sharaǵa 25 eldiń ókilderi qatysady dep kózdelip otyr.
Forýmnan keıin qazaqstandyq delegattar toqyma klasterine, ónerkásiptik ónimder men turmystyq tehnıka óndiretin, sondaı-aq kókónisterdi óńdeıtin fermerlik kásiporyndarǵa baryp, qyzmetterimen tanysty.