Búgin Astanada elimizdiń barlyq óńirinen kelgen 7-14 jas aralyǵyndaǵy jas aqyndar, jazýshylar, blogerler, sýretshiler, artıster men sportshylar bir alańǵa jınaldy, dep habarlaıdy Egemen.kz.
Jas talanttar bıyl ǵylymı jobalar daıyndap, keıbiri erlik tanytyp, túrli jarystarda erekshelendi.
«Búgin biz oqýda, sportta, ónerde jáne basqa da salalarda erekshe kózge túsken jas patrıottardy marapattaı otyryp, balalar jylyn qorytyndylaımyz. Sizderdiń árqaısylaryńyz elimizdiń maqtanyshy jáne bolashaǵysyzdar. Memleket balalardyń shyǵarmashylyq áleýetin damytyp, zııatkerlik múmkindikterin iske asyrý úshin barynsha qolaıly jaǵdaı jasap jatyr. Sizderge tolaǵaı tabystar tileımin», dedi Mádenıet jáne sport mınıstri Dáýren Abaev.
Sondaı-aq, búgin respýblıkalyq talanttar baıqaýynyń qatysýshylary marapattaldy. Úzdik jumystardyń avtorlary noýtbýkter men basqa da baǵaly syılyqtarǵa ıe boldy.
Barlyǵy 10 nomınasııa boıynsha 30 jeńimpaz anyqtaldy: «Úzdik esse» – Bereke Súleıman, Nurbaqyt Boranbaev, Gaýhar Áliptur; «Jas aqyn» – Ańsar Ábdirazaqov, Elsııar Qulahmet, Janshyraq Serjan; «Úzdik sýretshi» – Ásem Kúzdimbaeva, Ińkár Jumaǵalı, Nıkıta Ýlıanıchev; «Úzdik medıa kontent» – Rasýl Baýyrjan, Aıana Baýyrjanova, Jandarbek Amanqosov; «Jas artıst» – Arıana Asqar, Dıas Qaýsylov, Aıaýlym Imangeldi «IT -joba» – Artem Lısın, Ádil Serik, Beksultan Saılaýbaı; «Jas tehnık» – Nurasyl Sháripov, Meńdibek Temirhanov, Mustafa Ǵalymjanuly; «Jas ǵalym» – Aınur Álimqyzy, Ámir Amangeldi, «Jas batyr» – Jańbyrbaı Dinmuhammed, Mereı Baqyt, Rýslan Omarov; «Jas sportshy» – Dosman Álı, Aınaz Ádilgereeva, Angelına Kýzmıcheva.