SQO TJ departamentinde er adamdy órtten qutqarǵan Marııa Sımonova «О́rtte kórsetken qaısarlyǵy úshin» medalimen marapattaldy, dep habarlaıdy Egemen.kz SQO TJD baspasóz qyzmetine silteme jasap.
Zalda qatysyp otyrǵan departament qyzmetkerleriniń, azamattyq qorǵaý organdary ardagerleriniń jáne BAQ ókilderiniń aldynda bastyqtyń ýaqytsha mindetin atqarýshy, azamattyq qorǵaý polkovnıgi Dmıtrıı Rastıhın sóz sóıledi. Ol bul oqıǵanyń mańyzdylyǵyn atap ótip, jastardy qazaqstandyq qoǵamnyń úzdik dástúrlerine – jaýaptylyqqa, janashyrlyqqa, qıyn sátte kórshisine kómektesýge degen umtylysqa tárbıeleýdegi mańyzdylyǵyn atap ótti. Dmıtrıı Ivanovıch bir aı buryn Marııanyń jerlesi, ótken jyldyń qarasha aıynda bolǵan órtte 71 jastaǵy er adamnyń ómirin saqtap qalǵan kásipqoı boksshy Evgenıı Pavlov osyndaı jaǵdaıda medalmen marapattalǵanyna nazar aýdardy.
«Marııa da, Evgenıı de ár jyldary № 42 orta mektepti bitirgen, olardy azamattyq qutqarýshylardyń «kadrlar ustasy» dep ataýǵa bolady. Meniń oıymsha, Marııa bárimizge azamattyq batyldyqtyń úlgisin kórsetti, bireýdiń qaıǵysyna beı-jaı qaramaı, smartfon kamerasyna bolǵan oqıǵany túsirip, órt ornynan ketip qalmaı, tútinmen jabylǵan úıge batyl kirip, adamdy qutqardy», dedi ol.
О́z kezeginde Marııa Qazaqstan Respýblıkasy TJM, departament basshylyǵyna nagrada úshin alǵysyn bildirip, bolashaqta da osylaı jasaıtynyn atap ótti.
«Adamdardyń ómirine qaýip tónip turdy. Men basqasha áreket ete almadym», dedi ol.
Eske sala keteıik, 1 qańtarda keshke Marııa Sımonova Petropavl qalasynyń Rabochıı kentinde K.Setkın kóshesi, 90 «A» mekenjaıynda bolǵan órttiń kýási bolǵan. Qalyń tútindi kórip, ol órt ornyna birinshi bolyp júgirgen. Úıdiń esigin ashqan qyz tórt aıaǵymen jorǵalap shyǵýǵa qaraı bettegen adamdy kórgen. Marııa oǵan tútindi úıden shyǵýǵa kómektesip, keıin dereý órt sóndirýshilerdi shaqyrǵan. 32 jastaǵy er adam bas qolynyń shamaly kúıikterin alǵanymen, aýrýhanaǵa jatqyzýdyń qajeti bolmaǵan. Marııa ata-anasymen birge sol kóshede órt bolǵan jerge jaqyn jerde turady. Qalalyq tehnıkalyq kolledjiniń 4 kýrs stýdenti, tehnık-mehanık mamandyǵy boıynsha oqıdy. Sportpen shuǵyldanady, eriktiler aksııalaryna birneshe ret qatysqan. Mektepti bitirgennen keıin ol kásibı-pedagogıkalyq kolledjge «qutqarýshy» mamandyǵyna túsýdi josparlaǵan, biraq densaýlyǵyna baılanysty joly bolmaǵan.