Densaýlyq saqtaý basqarmasy emdeý mekemesine aýdanaralyq mártebe berý múmkindigin qarastyryp jatyr, dep habarlaıdy Egemen.kz.
Bul týraly oblys ákimi Asaıyn Baıhanov óziniń Instagram paraqshasynda jazdy.
- Keshe Aqsý qalasyna baryp, elektr stansııasy men ferroqorytpa zaýytynyń jumysymen tanystym. Barlyǵy 10 000-nan astam adam eńbek etetin kásiporyndar belsendi jumys istep, damyp keledi. Sonymen qatar, kúrdeli jóndeýdi qajet etetin qalalyq aýrýhanany qarap shyqtym. Densaýlyq saqtaý basqarmasy emdeý mekemesine aýdanaralyq mártebe berý múmkindigin qarastyryp jatyr. Bul shara aýrýhanany respýblıkalyq bıýdjet esebinen jaraqtandyrýǵa múmkindik beredi. Usynysty qoldadym, qujattardy tıisti mınıstrlikke jiberemiz, - dedi aımaq basshysy.Sonymen qatar, Aqsý qalasyn damytý jónindegi keńeste halyqtyń jańa turǵyn úılerdiń tapshylyǵy men sapasyna, jer ýchaskelerin bólýge, abattandyrýǵa qatysty jıi túsetin shaǵymdary jaıynda sóz boldy.
- Jańa qazandyqty iske qosý máselesi jeke qaraldy. Kóp ınvestısııa quıylǵan, biraq áli de iske aspaǵan jobany zertteýdi tapsyrdym. Aqsý qalasynyń ákimdigi barlyq ınjenerlik kommýnıkasııalarǵa aldyn ala tekserý júrgize otyryp, magıstraldyq jáne jylý taratý jelilerin qaıta jańartýǵa kirisedi, - dep qorytyndylady Asaıyn Baıhanov.