Prezıdent Abý Dabı ámirliginiń bılik basyndaǵy áýletiniń aǵa ókili, BAÁ-niń iri kásipkerleriniń biri, «First Abu Dhabi Bank» aksıoneri Sýrýr ben Muhammed Ál Nahaıanmen kezdesý ótkizdi, dep habarlaıdy Egemen.kz Aqordanyń baspasóz qyzmetine silteme jasap.
Qasym-Jomart Toqaev Birikken Arab Ámirlikteri Qazaqstannyń aımaqtaǵy basty ekonomıkalyq jáne saýda seriktesi ekenin, BAÁ Prezıdenti sheıh Muhammed ben Zaıd Ál Nahaıanmen búgingi kelissóz barysynda saýda-ekonomıkalyq jáne ınvestısııalyq yntymaqtastyqty odan ári nyǵaıtý jóninde ýaǵdalastyqqa kelgenin, sondaı-aq mańyzdy kelisimderge qol qoıǵanyn jetkizdi.
Memleket basshysynyń aıtýynsha, Qazaqstan men BAÁ úkimetteri qabyldaǵan Strategııalyq ınvestısııalyq jobalar jasaý týraly birlesken deklarasııa ekijaqty seriktestikti nyǵaıtýǵa tyń serpin beredi.
Prezıdent ınvestısııalyq is-árekettiń basymdyǵyna nazar aýdaryp, qabyldanǵan Deklarasııa aıasynda sheıh Sýrýr ben Muhammed Ál Nahaıannyń kompanııalar tobyn birqatar jobany júzege asyrýǵa shaqyrdy.
О́z kezeginde Abý Dabı ámirliginiń bılik basyndaǵy áýletiniń aǵa ókili Qazaqstandaǵy jobalarǵa ınvestısııa quıý jónindegi josparyn aıtty.