Qazaqstan elshisi Nurbah Rústemov Rýmynııanyń Vıse-Premer-mınıstri, Kólik jáne ınfraqurylym mınıstri Sorın Grındeanýmen kezdesti, dep habarlaıdy Egemen.kz Syrtqy ister mınıstrligine silteme jasap.
Taraptar eki eldiń kólik salasyndaǵy yntymaqtastyq perspektıvalaryn talqylady.
Kelissózder barysynda taraptar Aqtaý men Konstansa porttaryn qosý, astanalar arasynda tikeleı áýe qatynasyn ashý jáne Konstansada halyqaralyq logıstıkalyq forým ótkizý sııaqty uzaq merzimdi jobalardy júzege asyrý boıynsha aldyn ala kelisimge keldi.
Atap aıtqanda, Transkaspıı halyqaralyq kólik baǵytynyń áleýetin ashý maqsatynda jaqyn arada elderimiz arasyndaǵy júkterdi jetkizýdi jeńildetý joldaryn izdeý úshin logıstıkalyq máseleler boıynsha kópjaqty kezdesýdi ótkizýdiń ózektiligi basa aıtyldy.
О́z tarapynan S. Grındeaný Qazaqstanmen ózara tıimdi seriktestikti damytýǵa daıyn ekenin, ekijaqty jobalarǵa jan-jaqty qoldaý kórsetýge nıetti ekenin jetkizdi.