Tótenshe jaǵdaılar mınıstrligi Túrkııadaǵy Qazaqstan TJM bólimsheleriniń júrgizip jatqan jumysy týraly aqparat taratty, dep habarlaıdy Egemen.kz.
Izdeý-qutqarý jumystary júrgizile bastaǵan kúnnen bastap Qazaqstan TJM qutqarýshylary 7 adamdy qutqaryp, medısına qyzmetkerlerine tapsyrdy. Qaıtys bolǵan 67 adamnyń, onyń ishinde 6 balanyń denesi úıindi astynan shyǵaryldy.
Qazir Qazaqstan TJM qutqarýshylary izdeý-qutqarý jumystaryn jalǵastyryp jatyr.
Gazıantep qalasy birinshi eshelonmen barǵan qutqarýshylar táýlik boıy eki aýysymda úsh ýchaskede jumys istep júr.
Qutqarýshylardyń birinshi toby toǵyz qabatty ǵımaratta jumys istep jatyr. Ǵımarat tolyǵymen qıraǵan. Úıindilerdiń arasynan adamdardy izdeý jumystary jalǵasady. Bul jerde úıindilerdiń astynan 4 adam qutqaryldy, 14 qaza tapqan adamnyń denesi shyǵaryldy.
Qutqarýshylardyń ekinshi toby alty qabatty ǵımaratta jumys júrgizýde. Obekt tolyǵymen demontajdaldy. Injenerlik tehnıkany, avarııalyq-qutqarý jabdyqtaryn, qarapaıym aspaptardy qoldana otyryp, 10 000-nan astam tekshe metr úıindi arasy ashyldy. Demontajdaýǵa jumyldyrylǵan bólimshe jumys júrgizilip jatqan 1 jáne 3 ýchaskelerge bólindi. Qaıtys bolǵan 19 adamnyń denesi shyǵaryldy.
Úshinshi top ta alty qabatty ǵımaratta jumys istep jatyr. Ǵımarat tolyǵymen qıraǵan. Úıindilerdiń arasynan adamdardy izdeý jumystary júrgizilýde, qaıtys bolǵan 22 adamnyń denesi shyǵaryldy.
Qazaqstan TJM ekinshi eshelonmen barǵan qutqarýshylar Túrkııaǵa kelgen sátten bastap Nýrdagy qalasynda izdeý-qutqarý jumystaryn táýlik boıy júrgizýde. Tolyǵymen qıraǵan ǵımaratta qazaqstandyq qutqarýshylar adamdardyń ornalasqan jeri men jaı-kúıin anyqtaý, úıindiler astynda zardap shekkendermen aýdıo baılanys ornatý, qajetti kómektiń kólemi men sıpatyn anyqtaý boıynsha jumystaryn júrgizdi. Qazaqstandyq qutqarýshylardyń úlken tereńdiktegi úıindilerdiń astynan zardap shekkenderdi evakýasııalaý úshin jol ashý jumystaryn oryndap, jedel jáne saýatty is - qımyldyń, sondaı-aq zardap shekkenderdi bloktan shyǵarý boıynsha ýaqytyly qabyldanǵan sharalardyń nátıjesinde kólemi 18 myń tekshe metrden astam úıindiniń astynan úsh tiri adamdy - er adam men eki áıeldi shyǵarýǵa múmkindik týdy. Adamdar dereý medısınalyq kómek aldy. Qaıtys bolǵan 8 adamnyń denesi shyǵaryldy. Zardap shekken adamdardy izdeýge tehnıkalyq quraldar, úıindilerdi bólshekteýge ınjenerlik tehnıka paıdalanylyp jatyr. Úıindilerdiń arasynan adamdardy izdeý jumystary áli de jalǵasady.