Almaty polısııasy esirtki satýshylardyń qylmystyq tobyn joıdy, dep habarlaıdy Egemen.kz Polisia.kz-ke silteme jasap.
Esirtki qylmysyna qarsy kúres bóliminiń habarlaýynsha, polısııanyń arnaıy jasaqtarynyń kómegimen júrgizilgen is-shara barysynda bes er adam ustaldy. Olardyń barlyǵy da Jambyl oblysy Shý aýdanynyń týmalary.
– Kúdiktiler qalanyń ár jerinde ustaldy. Máselen, Qalqaman shaǵyn aýdanynda 46 jastaǵy A. esimdi azamat quryqtaldy. Ruqsat etilgen tintý kezinde odan syǵymdalǵan gashısh zaty salynǵan tórt býma, 1 mln 150 myń teńge kólemindegi qolma-qol aqsha jáne IIO zeınetkeriniń jalǵan kýáligi tabyldy jáne tárkilendi. Al kúdiktiniń úıinen jalpy salmaǵy 4 keliden asatyn gashısh esirtki zaty salynǵan 7 polıetılen býma men metall tarazylar tabyldy. Dál sondaı jalǵan qujat toptyń taǵy bir múshesinen – 40 jastaǵy O. esimdi azamattan tárkilendi. Arnaıy is-shara nátıjesinde zańsyz aınalymnan jalpy salmaǵy 34 kelige jýyq gashısh shyǵaryldy. Kúdiktiler qamaýǵa alyndy, – dedi Almaty qalalyq PD esirtki qylmysyna qarsy kúres basqarmasynyń bastyǵy Erlan Álmaǵambetov.