Áskerge shaqyrylatyn qazaqstandyqtar óziniń áskerden bosatylǵany nemese keıinge qaldyrylǵany týraly mártebesin SMS arqyly bile aldy. Bul týraly Sıfrlyq damý, ınnovasııalar jáne aeroǵarysh ónerkásibi mınıstri Baǵdat Mýsın málimdedi, dep habarlaıdy Egemen.kz
Baǵdat Mýsın Instagram-paraqshasynda jańa fýnksııanyń búgin, 1 naýryzda qoljetimdi bolǵanyn aıtty.
«Birneshe aı buryn elordalyq áskerı komıssarıattardyń birine baryp, Qorǵanys mınıstrliginiń ókilderimen birge osy salany sıfrlandyrý josparlaryn talqylaǵanbyz. Sonda kóterilgen máselelerdiń biri - áskerge shaqyrylatyn jastardy áskerı qyzmetke shaqyrýdan bosatý nemese keıinge qaldyrý maqsatynda talap etiletin anyqtamalardan aryltý bolatyn. Ol úshin birneshe júıeni biriktirý qajet edi. Araǵa ýaqyt salyp, birlesken jumystyń arqasynda nátıjege qoljetkizdik. Máselen, bıyl 1 naýryzynan bastap azamattar tolyp jatqan anyqtamalar men qujattardy usynbaı, áskerı qyzmetti ótkerý týraly óz mártebesin bir júıeden bile alady», dep jazdy mınıstr.
Mınıstrdiń aıtýynsha, «Ulttyq aqparattyq tehnologııalar» AQ jáne Qorǵanys mınıstrligimen birlesip, qazaqstandyqtardy áskerge shaqyrýdan bosatý jáne keıinge qaldyrý týraly aqparat beretin proaktıvti memlekettik qyzmetti iske qosqan.
«Áskerge barýǵa mindetti er adamdarǵa, ıaǵnı 18-27 jastaǵy azamattarǵa áskerden bosatý nemese keıinge qaldyrý boıynsha tıisti aqparat telefondaryna habarlama retinde joldanady. Mobıldi azamattar bazasynda tirkelgen qazaqstandyqtar ǵana habarlama alatynyn atap ótý kerek», delingen jazbada.