Zańnan shyqqan shý

Áýeli parlamentte bastal­ǵan qarsylyq Tbılısı orta­ly­ǵyndaǵy narazylyq aksııa­sy­na ulasty. Osylaısha, is ýshyǵyp, eki kúnge jalǵasqan soń, eldiń bıleýshi partııasy zań jobasyn kún tártibinen alyp tastaýǵa májbúr boldy. Grýzııa parlamenti sheteldik agentter týraly zań joba­syn birinshi oqylymda maqul­da­ǵan edi. О́ıtkeni ondaǵy 150 depýtattyń 76-sy qoldap, 13-i qarsy bolǵan, 61 depýtat qa­lys qalǵan. Qabyldanýǵa sál qalǵan zań shetelden qarjy alatyn jeke jáne zańdy tulǵalardy arnaýly reestrge tirkelýdi mindetteıdi. Olaı bolmaǵan jaǵdaıda iri kólemde aıyppul salynýy nemese bes jylǵa deıin túrmege qamalýy múmkin edi. Alaıda «Grýzın armany – Demokratııalyq Grýzııa» bıleýshi partııasy Tbılısıdegi jappaı nara­zy­lyqtan keıin parlamentten atalǵan zań jobasyn alyp tastaý týraly sheshim qabyl­da­dy.

«Qoǵamnyń árbir múshe­si­niń aldynda jaýapty bas­qarýshy kúsh retinde biz ózimiz qoldaǵan shetel agent­te­ri týraly zań jobasyn esh­qandaı alǵyshartsyz keri qaı­taryp alý jóninde sheshim qabyl­dadyq», delingen partııa saıtynda jarııalanǵan málim­de­mede.

О́ıtkeni osyǵan baılanys­ty Tbılısı orta­ly­ǵyn­da eki kún boıy narazylyq aksııa­sy ótip, narazylyq bildirý­shi­ler­diń bir bóligi parlament ǵımaratyn qorshaı bastaǵan. Jaǵdaı ýshyqqan soń qala ortalyǵyna arnaıy jasaq tartylǵan. Grýzın aqparat quraldarynyń habarlaýynsha, ereýilshilerdiń kóbi gaz, tútin jáne tóbelesten zardap shekken. Keıbiri qamaýǵa alynǵan. Tún ortasynan keıin arnaıy kúshter Rýstavelı dańǵylyndaǵy aksııany taratyp, parlamentke qarama-qarsy aýmaqty tolyǵymen tazartty.

Grýzııa bıligi bolsa, nara­zy­lyq kúsh kórsetý sıpatyna ıe boldy dep málimdedi. Al AQSh-tyń Tbılısıdegi elshiligi maquldanǵan zań jobasy men sherýge shyqqandarǵa kúsh qoldanylǵanyn «grýzın demokratııasyna túsken daq» dep atap, baǵa bergen.

«Mundaı zańnyń maqul­­­dan­ǵa­ny Grýzııanyń strate­gııa­lyq seriktesterimen qa­ty­­nasyna zııan keltiredi jáne óz eliniń azamatta­ry­na kómektesip júr­gen uıym­dar­­dyń jumy­syn qıyn­data túsedi. Zań jobasy men onyń óte belsen­di talqy­lan­ǵany bılik partııa­sy­nyń Eýroatlantıka ınte­gra­­sııa­sy­na daıyn ekenine kú­mán keltiredi», dep málimdedi AQSh elshiligi.