Astana qalasynda jóndeý jumysyna baılanysty Qudaıberdiuly – Býrabaı kósheleriniń qıylysy jabylady, dep habarlaıdy Egemen.kz elorda ákimdiginiń baspasóz qyzmetine silteme jasap.
«Astana qalasynyń Kólik jáne jol-kólikınfraqurylymyn damytý basqarmasy» MM «Ońtústik-Shyǵys (sol jaǵy) turǵyn alaby kóshelerin salý jánerekonstrýksııalaý» jobasyn iske asyryp jatyr.
Jol qozǵalysy qaýipsizdigin qamtamasyz etý úshin Astana qalasy PD ákimshilik polısııa basqarmasynyń kelisimi boıynsha Qudaıberdiuly – Býrabaı kósheleriniń qıylysynda ınjenerlik jelilerdi ornatý jumysy bastaldy.
Osyǵan baılanysty osy jyldyń 25 naýryzy men 10 sáýiri aralyǵynda atalmysh kóshelerdiń qıylysynda kólik qozǵalysy ishinara jabylady.
Sol sııaqty jol-qurylys jumysyn júrgizý kezeńinde №13, 47 baǵdarlarynyń qozǵalys syzbasy ýaqytsha ózgertildi.
Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaǵany abzal.