Osy aptada, ıaǵnı 28 naýryz ben 2 sáýir aralyǵynda elordada kóptegen mádenı is-shara ótedi. Jumys kúnderi de, demalys kúnderi de túrli janrdaǵy qoıylymdar, konsertter uıymdastyrylady. Qalanyń murajaılary men kitaphanalarynda tanymdyq dárister men kezdesýler ótedi, dep habarlaıdy Egemen.kz qala ákimdiginiń baspasóz qyzmetine silteme jasap.
28 naýryz kúni saǵat 10:00-den bastap Sáken Seıfýllın murajaıynda bir kún boıy «Qosh keldiń-áz-Naýryz» atty kórme ótedi. Saǵat 10:40-ta «ALJIR» murajaı-memorıaldyq kesheni «Esirtkige «JOQ» dep aıt!» dárisin uıymdastyrady.
11:00-de Mýzykalyq jas kórermen teatrynyń sahnasynda M.Gorkıı atyndaǵy orys drama teatrynyń ártisteri T.Ýfımsevtiń «Shelkýnchık» ertegisin, al keshki saǵat 19:00-de V. Shýkshınniń «Svetlye dýmy» áńgimeleri boıynsha sahnalyq qoıylymyn kórsetedi.
Saǵat 11:00-de №1 buqaralyq kitaphanada «Maǵjan jyry máńgilik» atty mánerlep oqý baıqaýy ótedi.
28 jáne 29 naýryz kúnderi saǵat 19:00-de «Astana Opera» memlekettik opera jáne balet teatrynda Djakomo Pýchchınıdiń «Toska» atty úsh aktili qoıylymyn tamashalaýǵa bolady.
Saǵat 19:20-da memlekettik akademııalyq fılarmonııa SOLO dıvertısmentin plastıkalyq qoıylymǵa shaqyrady.
Keshki saǵat 20:00-de «Jastar» teatrynyń sahnasynda «Sovremennık» jastar halyq teatry «Beda ot nejnogo serdsa» mýzykalyq komedııasyn qoıady.
29 naýryzda tańǵy shoý kezinde gorkıılikter S.Lygınniń «Aı, da, Lenka!», al keshki saǵat 19:00-de T.Lettstiń «Avgýst: grafstvo Oseıdj» pesasy negizinde «Jazdyń sońy» tragıkomedııasyn qoıady.
Osy ýaqytta Q.Qýanyshbaev atyndaǵy Qazaq mýzykalyq-drama teatry «Hat» fılosofııalyq dramasyn qoıady, al NOMAD City Hall sahnasynda Almaty Interius teatry óner kórsetedi.
«Jastar» teatry osy kúni «Farengeıt boıynsha 451 gradýs» premerasyn usynady. Bastalýy: saǵat 20:00-de.
30 naýryz kúni de túrli is-sharalar uıymdastyrylǵaly otyr. Saǵat 10:00-de Tarıhı-mádenı muranyń saqtalýyn jáne paıdalanylýyn qamtamasyz etý ortalyǵy «Astana eskertkishteri» atty dáris ótkizedi. Sáken Seıfýllın murajaıynda saǵat 11:00-de Dosmuhamedulynyń 140 jyldyǵyna oraı «Alash arysy – Halel Dosmuhameduly» taqyrybynda kezdesý ótedi.
Osy kúni keshki saǵat 19:00-de birneshe is-shara josparlanyp otyr. Olardyń qatarynda Mýzykalyq jas kórermen teatrynda «Shámshi» mıýzıkli, «Astana Operada» «Qupııa neke» opera-býffasy Domenıko Sımaroza, Nomad City Hall-da «Four Seasons» Vivaldi – Max Richter konserti, sondaı-aq Q.Qýanyshbaev atyndaǵy teatrda «Aıman-Sholpan» mýzykalyq komedııasy bar.
Sol kúni saǵat 20:00-de «Jastar» teatry «Ekzamen» spektaklin kórsetedi.
31 naýryz kúni keshke taman jurtshylyqty túrli qoıylymdar men konsertter kútedi.
Máselen, 19:00-de E.Rahmadıev atyndaǵy memlekettik fılarmonııada «Po motıvam Dante…» úrmeli orkestrdiń konserti ótedi. Q.Qýanyshbaev atyndaǵy teatrda «Láıli - Májnún» poemasy, QAZAQSTAN OKZ-da – Qazaq memlekettik sımfonııalyq orkestriniń konserttik baǵdarlamasy Klaýdııa Perres fortepıano, Mýzykalyq jas kórermen teatrynda – «Gaýhartas» mýzykalyq dramasy ótedi. Saǵat 20:00-de «Sovremennık» jastar teatry «Jastar» teatrynyń sahnasynda «Idealnye neznakomsy» spektaklin oryndaıdy.
1 sáýir Gorkıı atyndaǵy orys drama teatrynda saǵat 11:00-de S.Astrahansevtiń «Brates Lıs ı brates Krolık» ertegisin, al keshke saǵat 18:00-de «Jazdyń sońy» tragıkomedııasyn usynady.
Qýyrshaqtar teatry bul kúni saǵat 12:00 jáne 14:00-de jas kórermenderdi A.Salaevanyń «Al sen Aldar Kósemen tanyssyń ba?» ertegisin qoıady.
1 jáne 2 sáýirde saǵat 15:30 jáne 19:00-de Mýzykalyq jas kórermen teatrynda «Gaýhartas» dramasy kórsetiledi. Elordalyq sırkte osy kúnderi saǵat 16.00-de Sunny Show sırk baǵdarlamasy ótedi.
Senbi jáne jeksenbi kúnderi saǵat 17:00-de «Astana balet» teatry álemdik balet juldyzdarynyń qatysýymen «Karmen-sıýıta» qoıylymyn daıyndap otyr.
1 sáýirde saǵat 18:00-de elordalyq fılarmonııa zalynda «Slavıan bazary 2023» irikteý ótkiziledi. Osy ýaqytta «Astana Operada» balalar baletin «Aqshaqar jáne jeti ergejeıli» atty eki aktide, al Q.Qýanyshbaev atyndaǵy qazaq teatrynda «Shámshi» elegııasyn tamashalaýǵa bolady.
Saǵat 19:00-de «Jastar» saraıynda «Na granı» konserti ótedi. Bir saǵattan keıin QAZAQSTAN OKZ-da horeografııalyq óner debıýtanttarynan Simmetria zamanaýı horeografııasy týraly bir aktili spektakl ótedi.
2 sáýirde kúndizgi ýaqytta spektaklderdi elordalyq qýyrshaq teatrynda, «Astana Opera» teatrynda tamashalaýǵa bolady.
Saǵat 18:00-de «Jastar» teatrynda E.Amanshaevtyń «Adasqan ulyńdy jazǵyra kórme, Jaratqan» dramasynyń premerasy ótedi.