Almaty ákimi Erbolat Dosaev turǵyndarmen kezdesýde Jubanov kóshesin batys baǵytta uzartý jumystary qaı kezeńde ekenin aıtty, dep habarlaıdy Egemen.kz.
Megapolıs basshysynyń aıtýynsha, Jubanov kóshesi Momyshuly kóshesinen qala shegine deıin uzartylady. Dosaev bul jobanyń jobalyq-smetalyq qujattamasy memlekettik saraptamadan ótip, oń qorytyndy alǵanyn atap ótti.
«307 jer telimin alý belgilendi. Onyń 50-in bıyl satyp alamyz», dedi ákim.
Sondaı-aq ol búginde jol qurylysyna jaýapty merdigerdi anyqtaý úshin baıqaý júrip jatqanyn aıtty. «Bul jobany júzege asyrý Áýezov aýdanynyń damýyna, kólik júktemesin azaıtýǵa jáne qoǵamdyq kólik qyzmetiniń sapasyn arttyrýǵa yqpal etedi», dep qosty E. Dosaev.