Bıyl Shymkentte jalpy uzyndyǵy 201,7 shaqyrym bolatyn 253 kóshe ortasha jóndeýden ótedi. Olardyń 21-i - magıstraldy kósheler, dep habarlaıdy Egemen.kz.
Sonymen qatar jyl sońyna deıin 140,6 shaqyrym jolda qurylys jáne qaıta qurý jumystary júrgiziledi. Osylaısha, qaladaǵy jaqsy jáne qanaǵattanarlyq jaǵdaıdaǵy joldardyń úlesin 71,2 paıyzǵa jetkizý josparlanady.
Qaladaǵy kólik keptelisin azaıtý maqsatynda iri qurylys jobalary júzege asyrylýda. Bıyl D.Qonaev dańǵyly jalǵasynyń 2-shi jáne 5-shi kezeńderi, A-2 aınalma jolynyń 2-shi jáne 4-shi kezeńderi, О́tegenov kóshesiniń jalǵasy, Adyrbekov kóshesin qaıta qurý jáne Báıdibek bı-Arǵynbekov kósheleri qıylysyndaǵy jolaıryq qurylysy aıaqtalady.
Jalpy, búginde megapolıs aýmaǵyna kiretin joldardyń uzyndyǵy - 3 247,6 shaqyrym. Onyń ishinde 2 066,1 shaqyrymy asfalttelgen, qalǵany shaǵal tas tóselgen joldar.
Qalanyń keshendi damý josparyna sáıkes, 2023-2025 jyldar aralyǵynda 441,2 shaqyrymdy quraıtyn 466 kóshege asfalt tóseý jumystary júrgiziledi.