Astana qalasynda aqparattyq-túsindirý jumystary boıynsha semınar jáne ártúrli formattaǵy is-sharalar ótti, dep habarlaıdy Egemen.kz.
Aqparat jáne qoǵamdyq damý mınıstrligi Din isteri komıtetiniń arnaıy jobasy aıasynda bıylǵy jyldyń 24-28 sáýir aralyǵynda Astana qalasynda din máseleleri jónindegi respýblıkalyq aqparattyq-túsindirý tobynyń (RATT) mamandary qatysýymen dinı ekstremızmniń taralýyn aldyn alýǵa baǵyttalǵan semınar jáne ártúrli formattaǵy is-sharalar uıymdastyrý sheńberinde óńirdiń turǵyndarymen birqatar kezdesý ótkizdi.
Atalǵan kezdesýlerge RATT múshelerinen (teologtar, dintanýshylar, psıhologtar) – A.S.Nuradınov, M.Q. Qaıdar, A. Nurahmetuly, I.T.Berdalıev qatysty.
RATT músheleriniń qatysýymen №1, №8 Balalar-jasóspirimder sport mektebi, Jaqsylyq Úshkempirov atyndaǵy jekpe-jek saraıy, «Saryarqa» velotrek sport kesheniniń sportshylary men jattyqtyrýshylary, «Astana qalasynyń órt sóndirý jáne apattyq-qutqarý jumystary qyzmeti» MM, «Astana qalasynyń tótenshe jaǵdaılar departamenti» MM qyzmetkerleri, sonymen qatar, «Mereke bazary», «Automart» saýda ortalyǵynyń ózin-ózi jumyspen qamtýshylary jáne t.b. mekemelerdiń eriktileri, saýdagerleri, áskerı qyzmetkerleri arasynda semınarlar men kezdesýler ótti.
Atalǵan is-sharalarda óńirlerdiń turǵyndaryna Qazaqstan halqynyń mádenıeti men rýhanı murasyna, destrýktıvti jalǵan dinı jáne radıkaldy ıdeıalardyń zııandylyǵyna baǵyttalǵan din salasyndaǵy memlekettik saıasattyń máni týraly aqparattar berildi.
Tyńdaýshylar tarapynan da RATT múshelerine birqatar suraq qoıylyp, saýaldarǵa tujyrymdy jaýaptar alyndy.