Búgin Qasym-Jomart Toqaev Reseı Prezıdenti Vladımır Pýtınniń shaqyrýymen Jeńistiń 78 jyldyǵyna arnalǵan paradqa qatysady. Saltanatty sharaǵa Reseı tarapy TMD-ǵa múshe elderdiń basshylaryn shaqyrǵan, dep habarlaıdy Egemen.kz.
Reseı Prezıdenti, Joǵarǵy Bas qolbasshy Vladımır Pýtın Qyzyl alańda ótetin dástúrli sherýge qatysady. Sondaı-aq sherýge TMD elderiniń kóshbasshylary shaqyrylǵan. Buǵan deıin áskerı sherýge Belarýs, Qazaqstan, Qyrǵyzstan, Tájikstan, О́zbekstan elderiniń Prezıdentteri jáne Armenııa Premer-mınıstriniń qatysatyny belgili boldy.
Reseı Prezıdentiniń baspasóz hatshysy Dmıtrıı Peskovtyń aıtýynsha, olar Pýtınmen birge Qyzyl alańdaǵy trıbýnadan áskerı sherýdi baqylaıdy. Budan soń kóshbasshylar Aleksandr baǵyndaǵy belgisiz sarbazdyń qabirine gúl shoqtaryn qoıady.