Elordada memlekettik rámizder kúnine oraı avtovolonterler men Lada granta club, JDM generations, W202, Cerato club, Camry family, Skoda club, Drive club sekildi ózge de avtoklýb ókilderiniń qoldaýymen avtosherý ótti, dep habarlaıdy Egemen.kz.
Avtosherýdi Astananyń jastar saıasaty máseleleri jónindegi basqarmasy jáne «Astana jastary» JRO uıymdastyrdy.
Qala ákimdigi is-sharanyń maqsaty - turǵyndarǵa merekelik kóńil-kúı syılaý, Otanǵa, eldiń memlekettik rámizderine degen patrıotızm men súıispenshilik sezimin arttyrý ekenin aıtty.
Is-sharaǵa avtosport federasııasynyń prezıdenti Anatolıı Bondar qatysyp, merekemen quttyqtady.
«Biz úshin bul aýqymy jaǵynan da, mańyzy jaǵynan da erekshe mereke. Túrli klýbtardan jınalǵan avtokólik áýesqoılary elimizdiń týyn qala ishinde alyp júrý úshin jınalady. Bul bizdiń azamattardy shabyttandyrýdyń jáne olarǵa merekelik kóńil-kúı syılaýdyń erekshe tásili, óıtkeni osy taqyrypqa arnalǵan avtosherýler ylǵı da áserli ótedi», dedi Anatolıı Bondar.
Qazaqstannyń memlekettik týy bar 50-ge jýyq mashına Memlekettik rámizder alańynan EKSPO aýmaǵy arqyly, Abylaı han dańǵylymen Otan qorǵaýshylar alańyna deıin júrip ótti.
«Mundaı avtosherýlerge bizdiń klýb birneshe jyldan beri qatysyp keledi. Biz ylǵı da qaladaǵy ártúrli mádenı is-sharalardy qoldaımyz. Memlekettik rámizder kúni - bul óte mańyzdy, erekshe shabyt beretin mereke, sondyqtan bul kúndii erekshe túrde ótkizetinimizge qýanamyz. Memlekettik týy bar avtosherýler - jyldaǵy meniń súıikti is-sharalarymnyń biri», dedi Lada Granta Astana avtoklýbynyń ókili Vera Kolodıı.