Memleket basshysy aımaqtaǵy klımat jáne ózge de máselelerdi talqylaý úshin 2026 jyly Qazaqstanda Aımaqtyq klımattyq sammıt ótkizýdi usyndy, dep habarlaıdy Egemen.kz.
Prezıdettiń aıtýynsha, aımaqtaǵy eki úlken ózen Syrdarııa men Ámýdarııadaǵy sý deńgeıi 2050 jylǵa qaraı 15 paıyzǵa túsedi. Osyǵan baılanysty ol aımaqtaǵy ekologııalyq apattyń aldyn alý úshin Halyqaralyq Araldy qorǵaý qoryn qoldaýǵa kóbirek qarjy bólýge shaqyrdy.
«Aımaqtaǵy klımat jáne ózge de máselelerdi talqylaý úshin men Almatyda Ortalyq Azııa elderiniń jobalyq keńsesin qurýdy jáne BUU sekildi halyqaralyq uıymdardy tarta otyryp, 2026 jyly Qazaqstanda Aımaqtyq klımattyq sammıt ótkizýdi usynamyn.
Elimiz «jasyl» ekonomıkanyń mol múmkindikterin usynyp, qaıta qalpyna keltiriletin energetıkanyń ortalyǵy atana alar edi. Alaıda ýaqyt bizdiń jaǵymyzda emes. Kómirdi az tutyný jáne «jasyl» ekonomıkaǵa qajetti jyldamdyqpen kóshý úshin bizge resýrstar men seriktestik baılanys qajet», dedi el Prezıdenti.