Elordalyq Kólik jáne jol-kólik ınfraqurylymyn damytý basqarmasy Kenesary kóshesinde jol tósemine jóndeý júrgizedi, dep habarlaıdy Egemen.kz Astana ákimdiginiń baspasóz qyzmetine silteme jasap.
Jumys jol qozǵalysy qaýipsizdigin qamtamasyz etý maqsatynda qalanyń ákimshilik polısııa basqarmasynyń kelisimi boıynsha júrgizilýde.Ortasha jóndeý jumysyna baılanysty 14-16 shilde aralyǵynda Kenesary kóshesiniń A.Iаnýshkevıch kóshesinen E.Brýsılovskıı kóshesine deıingi ýchaskesinde kólik qozǵalysy tolyǵymen jabylady.
Sondaı-aq LRT jelisi qurylysynyń aýmaǵyn daıyndaý sheńberinde Syǵanaq kóshesiniń boıynda Mınıstrlikter úıi men «Qazaqstan» OKZ aýdanynda ınjenerlik jelilerdi qaıta ornatý jumysy júrip jatqany qosa habarlandy.
Osyǵan baılanysty 2023 jyldyń 10 shildesinen 15 tamyzyna deıin Syǵanaq kóshesinen Esil ózeni arqyly ótetin kópir aýdanynda «Qazaqstan» OKZ jáne Mınıstrlikter úıi jaǵyna qaraı kólik qozǵalysyna ishinara shekteý engiziledi.«Elorda turǵyndary men qonaqtary qala joldarynda keptelis týdyrmas úshin qozǵalys baǵytyn aldyn ala josparlaýy qajet», delingen habarlamada.