Telegram messendjerinde jańa fýnksııa – stories iske qosyldy, dep habarlaıdy Egemen.kz.
Ol ekrannyń joǵarǵy jaǵynda ornalasqan jáne tek premıým jazylymynyń ıelerine ǵana qoljetimdi.
Tamyz aıynan bastap bul múmkindik barlyǵyna qoljetimdi bolady. Ázirge qoldanýshylar basqa akkaýntqa jazylmasa da, olardyń stories-terin kóre alady.
Stories jarııalaý úshin qoldanbanyń joǵarǵy jolaǵynda «Habar jazý» túımesiniń janyndaǵy belgisheni basý kerek. Ol barlyq paıdalanýshyǵa, barlyq kontaktige nemese aldyn ala tańdalǵan kontaktige nemese «jaqyn dostarǵa» qoljetimdi bolýy múmkin.
Osylaısha, telegram-da foto men vıdeony óńdep, ásemdep, onyń qoljetimdi bolý uzaqtyǵyn – 6, 12, 24 nemese 48 saǵat dep belgilep, jarııalaýǵa bolatyn múmkindik týdy.