16-17 tamyz aralyǵynda qalada jylý jelilerin rekonstrýksııalaý jumystaryn júrgizý josparlanǵan, osyǵan baılanysty birqatar kóshe ýaqytsha jabyldy, dep habarlaıdy Egemen.kz.
16 tamyz saǵat 10:00-den bastap Áýezov aýdanynda Súleımenov kóshesimen (avtobýs jolaǵy boıynsha) Toqtabaev kóshesinen Pıatnıskıı kóshesine deıin, sonymen qatar Túrksib aýdanynda 16 tamyz saǵat 21:00-den 17 tamyz saǵat 06:00-ge deıin Seıfýllın kóshesinen Montına kóshesine deıin (shyǵys baǵytta) kólik qozǵalysy shekteledi.
«Atalǵan kósheler astyndaǵy magıstraldyq qubyr ýchaskesinde josparly jumystardy júrgizý úshin ýaqytsha shekteýler engiziledi. Qolaısyzdyqtarǵa túsinistikpen qaraýdy jáne kórsetilgen aýmaqty aınalyp ótý joldaryn aldyn ala qarastyrýdy suraımyz», delingen «Almaty jylý júıesi» JShS taratqan habarlamada.